Verkefni
Próf, verkefni og kennsluefni á rafrænu formi
Ný og uppfærð aðalnámskrá er komin með fjöldann allan af nýjum hæfniviðmiðum. Við Bergmann höfum verið að vinna með þessi hæfniviðmið í nokkrum af okkar verkefnum og meðal annars sett þau upp í Google Sheets. Ef það hentar einhverjum hér að vinna með hæfniviðmiðin þannig er þetta skjal fyrir ykkur.
Í Google Sheets-skjalinu eru flipar fyrir hverja námsgrein. Auk þess er einn flipi með öllum 997 hæfniviðmiðunum í einni runu. Þar er t.d. þægilegt að sía út og rýna í hæfniviðmiðin.
Orðarún - lesskilningsprófin hafa nú fengið nýtt útlit og nýjan vef þar sem hægt er að taka prófin án þess að þurfa að notast við Google forms eins og áður. Einnig er niðurstöðukerfið orðið mun betra og sér kennari allar niðurstöður bekkjarins og einstaka nemenda á miklu ítarlegri hátt en hægt var með Google Forms prófunum. Vefurinn er algjörlega GDPR vænn og eyðast allar niðurstöður þegar flipanum er lokað. Því er mikilvægt að hafa í huga að hlaða þarf niður öllum gögnum áður en prófinu er lokað.
Rafræn próf og verkefni
