Google Forms er til margra hluta nytsamlegt. Við notum Forms til að safna saman upplýsingum, taka niður skráningar eða til að leggja fyrir próf. Hægt er að stilla Forms á marga vegu eftir því hvernig við ætlum að nota forritið. Hérna að neðan ætlum við að sýna ykkur helstu hlutana sem nýtast í kennslu og hvernig við stillum Forms, gerum próf og einnig hvernig þið getið sótt fyrirfram gerð próf, eins og t.d. Orðarúnarprófin, vistað þau í Drive og sent þau til ykkar nemenda.

Að opna Forms og stilla útlit

Hvernig við byrjum í Google Forms, skírum skjalið og leikum okkur með útlitið á skjalinu áður en við byrjum að gera spurningar.

Að búa til spurningar

Hægt er að vera með margvíslegar spurningar inni í Forms, allt frá opnum spurningum til krossaspurninga. Hægt er að sækja spurningar úr öðrum Forms eyðublöðum og endurnýta þær í nýju skjali. Hér verður líka skoðað hvernig við setjum inn myndir sem ítarefni við spurningar. Einnig er hægt að stilla Forms til að fara yfir rétt og röng svör og sýnum við hvernig það er gert.

Stillingar og senda Forms

Hvernig eigum við að stilla Forms áður en við sendum skjalið frá okkur til nemenda og hvaða leiðir eru í boði til að senda próf, t.d. inn á Google Classroom. Hvernig skoðum við svör nemenda þegar búið er að svara prófi eða safna upplýsingum.

Rafræn próf sótt og send

Á þessari síðu eru fjölmörg próf og kannanir sem hægt er að sækja og nýta sér. Í þessu myndbandi förum við yfir hvernig það er gert, hvernig prófin eru stillt og send frá sér og niðurstöður skoðaðar þegar búið er að svara.